పుదీనా షర్బత్‌

కావలసినవి:   పుదీనా ఆకులు - ఒకటిన్నర కప్పు   బెల్లం పొడి లేదా పంచదార - తొమ్మిది లేదా పది టేబుల్‌ స్పూన్లు   నీళ్లు - అరకప్పు   బ్లాక్‌ సాల్ట్‌ - అర టీస్పూన్‌   జీలకర్ర పొడి - ఒక టీస్పూన్‌   నిమ్మరసం - మూడు నుంచి నాలుగు టీస్పూన్లు   తయారీ: పుదీనా ఆకుల్ని రెండుమూడుసార్లు శుభ్రంగా కడగాలి. ఆ తరువాత పైన చెప్పిన పదార్థాలన్నింటినీ బ్లెండర్‌లో వేసి మెత్తటి పేస్ట్‌లా మిక్సీ చేసి, వడకట్టాలి. వడకట్టిన పుదీనా రసంలో పావు భాగం తీసుకుని అందులో ముప్పావు భాగం నీళ్లు పోసి స్పూన్‌తో బాగా కలియతిప్పాలి. ఆ తరువాత ఐస్‌క్యూబ్స్‌ వేసుకుని చల్లచల్లగా తాగితే ఫ్రెష్‌ ఫీలింగ్‌ మీ సొంతమవుతుంది.   బెల్లం బదులు తేనె కూడా వాడొచ్చు. ఈ కొలతలతో తయారుచేసిన షర్బత్‌ ముగ్గురికి సరిపోతుంది