ఉష్టోగ్రతలు పెరిగేకొద్దీ శరీరం తల్లడిల్లిపోతుంది. ఎన్ని చల్లటి పానీయాలు తాగినా దప్పిక తీరదు. అలాంటప్పుడు కూల్‌డ్రింకులు, జ్యూస్‌ల జోలికి వెళ్లకూడదు. గుజరాతీ స్టయిల్‌ చాస్‌ (బటర్‌మిల్క్‌) తయారుచేసుకుని తాగితే కడుపులో చల్లగా ఉంటుంది. వేడిని తగ్గిస్తుంది.
కావాల్సిన పదార్థాలు: రెండు కప్పుల గడ్డ పెరుగు, జిలకర, ఆవాలు, కరివేపాకు, కొత్తిమీర, పచ్చిమిర్చి, మిరియాలపొడి, అల్లంపేస్టు, బ్లాక్‌సాల్ట్‌, చక్కెర.
తయారుచేసే విధానం: ముందుగా రెండు టేబుల్‌ స్పూన్ల ఆయిల్‌ను పాన్‌లోకి వేసి ఆవాలు, జిలకర, కరివేపాకు వేసి పల్చగా వేయించాలి. అందులోకి కాస్త అల్లంపేస్టు, చిటికెడు బ్లాక్‌సాల్ట్‌, అరస్పూనుకంటే తక్కువ చక్కెర, పచ్చిమిర్చి పేస్టు తగినంత, అరస్పూను మిరియాలపొడి వేయాలి. కొంచెం వేగిన తరువాత దించేయాలి. బాగా చల్లారాక.. ముందుగానే చిలక్కొట్టిన పెరుగును ఇందులోకి వేసి.. చల్లటి నీళ్లు పోయాలి. మజ్జిగ పల్చగా అయ్యే వరకు కలియబెట్టి.. తాగితే రుచికి రుచి. ఆరోగ్యానికి ఆరోగ్యం. తక్షణమే వేడిని తగ్గిస్తుంది. దప్పిక తీరుతుంది.
No comments:
Post a Comment